ഡെമോഗ്രാഫറാകാന്‍
ഒരു സമൂഹത്തിന്‌ ആവശ്യമായ താമസ, വിദ്യാഭ്യാസ, തൊഴില്‍ സൗകര്യങ്ങള്‍ ലഭ്യമാക്കുന്നതിന്‌ മുന്‍പായി ബന്ധപ്പെട്ട പ്രദേശത്തെ ഭരണാധികാരികള്‍ക്ക്‌ ആ സമൂഹത്തെ പറ്റിയുളള അടിസ്‌ഥാന വിവരങ്ങള്‍ അറിയേണ്ടതുണ്ട്‌. അടിസ്‌ഥാന വിവരങ്ങള്‍ ബന്ധപ്പെട്ട സമൂഹം സ്‌ഥിരതാമസക്കാരോ നാടോടികളോ എന്നുള്ള കാര്യങ്ങളെപറ്റിയും അവര്‍ക്കിടയിലെ ജനസാന്ദ്രത, കുട്ടികളുടെ വിദ്യാഭ്യാസ, വിവാഹരീതികള്‍, ജനന, മരണനിരക്ക്‌, ഉപജീവനമാര്‍ഗങ്ങള്‍ തുടങ്ങിയവയെപ്പറ്റിയുമാണ്‌. ഇത്തരം വിവരങ്ങള്‍ സെന്‍സസുകളില്‍നിന്നും രജിസ്ട്രേഷന് വകുപ്പുകളില്‍നിന്നും ശേഖരിച്ച്‌ നിര്‍ദിഷ്‌ടരീതിയില്‍ ക്രമപ്പെടുത്തി ഭാവി ഉപയോഗത്തിനായി പാകപ്പെടുത്തുന്നവരാണ്‌ ഡെമോഗ്രാഫര്‍മാര്‍. ജനസാന്ദ്രത, കുടിയേറ്റം തുടങ്ങിയവയെപറ്റിയും ഡെമോഗ്രാഫര്‍ പഠിക്കേണ്ടതുണ്ട്‌.
ഡെമോഗ്രാഫറാകാന്‍
പന്ത്രണ്ടില്‍ കണക്ക്‌ പഠിച്ച്‌ ഇക്കണോമിക്‌സ്/സോഷ്യോളജിയില്‍ ബിരുദമെടുത്തവര്‍ക്കും മാത്തമാറ്റിക്സ്/സ്‌റ്റാറ്റിസ്‌റ്റിക്‌സ് ബിരുദധാരികള്‍ക്കും ചേര്‍ന്ന്‌ പഠിക്കാവുന്ന ഡെമോഗ്രാഫിയിലുളള മാസ്റ്റര് ബിരുദത്തിന്‌ കേരള യൂണിവേഴ്‌സിറ്റി അവസരമൊരുക്കുന്നുണ്ട്‌.
